ଆଇଆଇଟି ଭୁବନେଶ୍ବର ଅନୁସନ୍ଧାନ ଏବଂ ଉଦ୍ୟୋଗୀ ପାର୍କର 100-କ୍ୟୁବ୍ ଷ୍ଟାର୍ଟ ଅପ୍ ପଦକ୍ଷେପ
Editor
ଏହି ପାର୍କ ୨୦୩୬ ମସିହାରେ ଓଡିଶାର ୧୦୦ ତମ ବାର୍ଷିକୀ ସୁଦ୍ଧା ହାରାହାରି ୧୦୦ କୋଟି ଟଙ୍କା ମୁଲ୍ୟଟିଶିଷ୍ଟ ୧୦୦ ଟି ଷ୍ଟାର୍ଟ ଅପ୍ ସୃଷ୍ଟି କରିବ।
ଏହି ଉଦ୍ଦେଶ୍ୟରେ ପାର୍କ ଦୁଇ ବର୍ଷ ମଧ୍ୟରେ ଶିକ୍ଷା ମନ୍ତ୍ରଣାଳୟରୁ ୧୩୦ କୋଟି ଟଙ୍କାର ସହାୟତା ଦ୍ବାରା ୨୦,୦୦୦ ବର୍ଗଫୁଟରୁ ୮୦,୦୦୦ ବର୍ଗଫୁଟ ପର୍ଯ୍ୟନ୍ତ ବୃଦ୍ଧି ପାଇବ।
ଏହି ପଦକ୍ଷେପ ପାର୍କକୁ ପୂର୍ବ ଭାରତର ସାମାଜିକ, ଅର୍ଥନୈତିକ, ଶିଳ୍ପ ଏବଂ ଅନ୍ତର୍ଭୁକ୍ତ ଅଭିବୃଦ୍ଧି ଲକ୍ଷ୍ୟରେ ପ୍ରଧାନମନ୍ତ୍ରୀଙ୍କ ପୂର୍ବୋଦୟ ମିଶନର ଏକ କେନ୍ଦ୍ର ଭାବେ ସ୍ଥାପିତ କରିବ।
ଫେବୃଆରୀ ୧୧ ରେ ଶ୍ରୀ ଧର୍ମେନ୍ଦ୍ର ପ୍ରଧାନ ଏହି ଉଚ୍ଚାଭିଳାଷୀ ପଦକ୍ଷେପକୁ ଉଦ୍ଘାଟନ କରିବେ।
ଉଦ୍ଘାଟନୀ କାର୍ଯ୍ୟକ୍ରମରେ ପୂର୍ବାହ୍ନ ୧୧ ଟାରେ ଷ୍ଟାର୍ଟ-ଅପ୍ ଏବଂ ଅଶାପିଳବୃନ୍ଦଙ୍କ ପାଇଁ ବୈଷୟିୟ କର୍ମଶାଳା ଆୟୋଜିତ ହେବ, ଏବଂ ତା'ପରେ ଅପରାହ୍ନ 2 ଟାରେ ବିଭିନ୍ନ ଶିଳ୍ପ, ଷ୍ଟାର୍ଟଅପ୍ ଏବଂ ଭେଞ୍ଚର ପୁଞ୍ଜିପତିଙ୍କ ସହିତ ବୁଝାମଣାପତ୍ର ସ୍ବାକ୍ଷର ଅନ୍ତର୍ଭୁକ୍ତ ହେବ |
ଭୁବନେଶ୍ବର, ୫ ଫେବୃୟାରୀ ୨୦୨୪ : ଆଇଆଇଟି ଭୁବନେଶ୍ୱରର ଅନୁସନ୍ଧାନ ଏବଂ ଉଦ୍ୟୋଗୀ ପାର୍କ ଏହାର
ପରିବର୍ଭନଶୀଳ ୧୦୦-କ୍ୟୁବ୍ ଷ୍ଟାର୍ଟ ଅପ୍ ପଦକ୍ଷେପକୁ ଫେବୃଆରୀ ୧୧, ୨୦୨୪ ରେ ଆରମ୍ଭ କରିବାକୁ ଯାଉଛି। ଏହି ଦୂରଦୃଷ୍ଟିସମ୍ପନ୍ନ ପ୍ରୋଗ୍ରାମ ୧୦୦ ଟି ଷ୍ଟାର୍ଟଅପ୍ ସୃଷ୍ଟି କରିବାକୁ ଲକ୍ଷ୍ୟ ରଖୁଛି, ଯାହାର ମୂଲ୍ୟ ୨୦୩୬ ମସିହାରେ ଓଡିଶାର ୧୦୦ତମ ବାର୍ଷିକୀ ସୁଦ୍ଧା ୧୦୦ କୋଟି ଟଙ୍କାରେ ପହଞ୍ଚିବ। ଏହି ଲକ୍ଷ୍ୟ ହାସଲ କରିବା ପାଇଁ ପାର୍କ ଅତ୍ୟାବଶ୍ୟକ ସମ୍ବଳ, ପରାମର୍ଶଦାତା, ପୁଞ୍ଜି ଏବଂ ସମ୍ଭାବ୍ୟ ନିବେଶକମାନଙ୍କୁ ପ୍ରବେଶ ପ୍ରଦାନ କରିବା ଏହି ପାର୍କ ବର୍ତ୍ତମାନର ୨୦,୦୦୦ ବର୍ଗଫୁଟ ଅଞ୍ଚଳରୁ ପ୍ରାୟ ୮୦,୦୦୦ ବର୍ଗଫୁଟକୁ ଆଗାମୀ ଦୁଇ ବର୍ଷ ମଧ୍ୟରେ ଶିକ୍ଷା ମନ୍ତ୍ରଣାଳୟରୁ ୧୩୦ କୋଟି ଟଙ୍କା ସହାୟତାରେ ବିସ୍ତାର କରିବାକୁ ସ୍ଥିର ହୋଇଛି।
ଏ ସମ୍ପର୍କରେ ସୂଚନା ଦେଇ ଆଇଆଇଟି ଭୁବନେଶ୍ବରର ନିର୍ଦ୍ଦେଶକ ପ୍ରଫେସର ଶ୍ରୀପାଦ କର୍ମାଲକର କହିଛନ୍ତି ଯେ ଓଡିଶାରେ ଏକ ସମୃଦ୍ଧ ଉଦ୍ୟୋଗୀ ପରିବେଶ ସୃଷ୍ଟି ପାଇଁ ମାନନୀୟ କେନ୍ଦ୍ର ଶିକ୍ଷା, ଦକ୍ଷତା ବିକାଶ ଏବଂ ଉଦ୍ୟୋଗୀ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉତ୍ସାହରେ ଏହି ପଦକ୍ଷେପ ପାଇଁ ପ୍ରେରଣା ମିଳିଛି, ଯାହାକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଷ୍ଟାର୍ଟ ଅପ୍ ଇଣ୍ଡିଆ ଏବଂ ଆତ୍ମନିର୍ଭର ଭାରତ ଲକ୍ଷ୍ୟ ଓ ଧେୟ ଧାରାରେ ଆଧାରିତ। ଆଇଆଇଟି ଭୁବନେଶ୍ଵର ଦ୍ଵିତୀୟ ପିଢ଼ିର ଆଇଆଇଟି ମଧ୍ୟରୁ ଅନ୍ୟତମ, ଏବଂ ମିନେରାଲ୍ସ ଏବଂ ସାମଗ୍ରୀ, କୃତ୍ରିମ ଇଣ୍ଟେଲିଜେନ୍ସ, ଜଳବାୟୁ ବିଜ୍ଞାନ, ସ୍ମାର୍ଟ ଭିଭିଭୂମି, ନବୀକରଣ ଯୋଗ୍ୟ ଶକ୍ତି, ସେମିକଣ୍ଡକ୍ଟର ଉପକରଣ ଏବଂ ଇଣ୍ଟିଗ୍ରେଟେଡ୍ ସର୍କିଟ୍ ଇତ୍ୟାଦି ବିଭିନ୍ନ ଡୋମେନରେ ପାରଦର୍ଶୀତା ରହିଛି....
